28 July, 2022 09:14:07 AM
ഓവർടേക്കിംഗിനിടെ വാഹനങ്ങൾ കൂട്ടിയിടിച്ച് ഒമ്പത് പേർ മരിച്ചു; മൂന്ന് പേർക്ക് പരിക്ക്
മെക്സിക്കോ സിറ്റി: തെക്കൻ മെക്‌സിക്കോയിലെ ഗുറേറോ സംസ്ഥാനത്ത് വാഹനങ്ങൾ കൂട്ടിയിടിച്ച് ഒമ്പത് പേർ മരിച്ചു. മൂന്നു പേർക്ക് പരിക്കേറ്റു. അകാപുൾകോ-സിഹുവാട്ടനെജോ ഹൈവേയിൽ വച്ച് പ്രാദേശിക സമയം രാവിലെ 6:35 ഓടെയാണ് അപകടമുണ്ടായത്. അമിതവേഗതയിൽ എത്തിയ സ്വകാര്യ വാഹനം ഓവർടേക്കിംഗിനിടെ ഒരു ട്രക്കിന്‍റെ പിന്നിൽ ഇടിച്ചു. തുടർന്ന് നിയന്ത്രണം നഷ്ടപ്പെട്ട കാർ എതിർദിശയിൽ നിന്നെത്തിയ മറ്റൊരു കാറിനെ ഇടിക്കുകയുമായിരുന്നുവെന്ന് ഉദ്യോഗസ്ഥർ പറഞ്ഞു.
