04 July, 2022 07:00:49 PM
മുഖ്യമന്ത്രിയുടെ മകൾ...; കുഴൽനാടന്‍റെ പ്രസംഗത്തിനിടെ സഭ ടിവിയുടെ സംപ്രേഷണം നിലച്ചു
തിരുവനന്തപുരം: മുഖ്യമന്ത്രി പിണറായി വിജയനും മകള്‍ വീണയ്ക്കുമെതിരായ ആരോപണങ്ങളില്‍ ഉറച്ചു നില്‍ക്കുന്നുവെന്ന് നിയമസഭയിൽ മാത്യു കുഴല്‍നാടന്‍ എംഎല്‍എ പറയുന്നതിനിടെ സംപ്രേഷണം നിലച്ച് സഭ ടിവി. ധനാഭ്യർഥന ചര്‍ച്ചയ്ക്കിടെയായിരുന്നു മാത്യുവിന്‍റെ പ്രസംഗം ഇടയ്ക്കുവച്ച് തടസപ്പെട്ട നിലയില്‍ സംപ്രേഷണം നിര്‍ത്തിയത്. മുഖ്യമന്ത്രിയുടെ മകളെക്കുറിച്ച് പറഞ്ഞതോടെയാണ് സംഭവം. പിന്നീട് അടിയന്തര പ്രമേയം ചര്‍ച്ച ചെയ്യുന്ന സമയത്ത് മാത്രമാണ് സഭാ ടിവി തിരിച്ച് ലൈവായത്. ഇത് ആസൂത്രിതമാണെന്ന് ആക്ഷേപം ഉയരുന്നുണ്ട്.
