04 July, 2022 06:51:52 PM
പാലാരിവട്ടം പാലം പോലെയല്ല കുളിമാട് പാലമെന്ന് മന്ത്രി മുഹമ്മദ് റിയാസ്
തിരുവനന്തപുരം: കുളിമാട് പാലം തകർച്ച സർക്കാർ ഗൗരവത്തോടെ കണ്ടെന്ന് മന്ത്രി പി.എ. മുഹമ്മദ് റിയാസ്. എന്നാൽ പാലാരിവട്ടം പാലം പോലെയല്ല കുളിമാട് പാലമെന്നും ഇവ രണ്ടും തമ്മിൽ വ്യത്യാസമുണ്ടെന്നും മന്ത്രി നിയമസഭയിൽ പറഞ്ഞു. കുളിമാട് പാലത്തിന്‍റെ തകർച്ചയ്ക്ക് കാരണം ഹൈഡ്രോളിക് ജാക്കിയുടെ അപാകതയാണെന്നും മന്ത്രി വിശദമാക്കി.
കുളിമാട് വിഷയത്തിൽ വിജിലന്‍സ് അന്വേഷണ റിപ്പോര്‍ട്ടിന്‍റെ അടിസ്ഥാനത്തില്‍ നടപടി സ്വീകരിക്കുകയും കാരണക്കാരായ ഉദ്യോഗസ്ഥരോട് വിശദീകരണം തേടുകയും ചെയ്തു. അതേസമയം, കരാറുകാർക്കെതിരേ എന്തുകൊണ്ട് നടപടിയുണ്ടായില്ലെന്ന് പ്രതിപക്ഷ നേതാവ് വി.ഡി. സതീശൻ ചോദിച്ചു.
