01 May, 2022 01:05:08 PM
പിണറായി വേറെ ലെവലാണ്, തോന്നിവാസങ്ങൾ പുലമ്പുന്നവർക്ക് ഇതൊരു മുന്നറിയിപ്പ് - ജലീൽ
മലപ്പുറം: മതവിദ്വേഷ പ്രസംഗത്തിൽ പി.സി. ജോർജിനെ കസ്റ്റഡിയിലെടുത്തത് പലർക്കും മുന്നറിയിപ്പാണെന്ന് കെ.ടി. ജലീൽ. പിണറായി വേറെ ലെവലാണ്, കേരളവും. വർഗീയ പ്രചരണത്തിൽ കേരളത്തെ ഉത്തരേന്ത്യയാക്കാനല്ല ഉത്തരേന്ത്യയെ കേരളമാക്കാനാണ് ശ്രമിക്കേണ്ടതെന്നും ജലീൽ ഫേസ്ബുക്ക് പോസ്റ്റിൽ കുറിച്ചു.
ഓരോരുത്തർക്കും അവരുടെ വിശ്വാസത്തിന്‍റെ മഹത്വങ്ങൾ പറയാം. അത് സഹോദര മതസ്ഥരെ അപമാനിച്ച് കൊണ്ടും ഇകഴ്ത്തിക്കൊണ്ടും ആകാതെ നോക്കാൻ എല്ലാവരും ജാഗ്രത പുലർത്തണം. ജോർജിന്‍റെ കസ്റ്റഡി ഒരു മുന്നറിയിപ്പാണ്. ഇത്തരം തോന്നിവാസങ്ങൾ പുലമ്പുന്നവർക്കുള്ള മുന്നറിയിപ്പെന്നും ജലീൽ പറഞ്ഞു.
