12 April, 2022 08:30:26 AM
വയറിനുള്ളിൽ ഒളിപ്പിച്ച് ലഹരിമരുന്ന് കടത്ത്: പുറത്തെടുത്ത് കസ്റ്റംസ്; ഒരാൾ പിടിയിൽ
ദോഹ: നിരോധിത ലഹരി വസ്തുക്കൾ വയറിനുള്ളിൽ ഒളിപ്പിച്ച നിലയിലെത്തിയ യാത്രക്കാരൻ ഹമദ് രാജ്യാന്തര വിമാനത്തവളത്തിൽ പിടിയിലായി. ഗുളിക രൂപത്തിൽ പൊതിഞ്ഞ ലഹരി വസ്തുക്കൾ വിഴുങ്ങിയ നിലയിലായിരുന്നു യാത്രക്കാരൻ ദോഹയിൽ വിമാനമിറങ്ങിയത്.
പെരുമാറ്റത്തിൽ സംശയം തോന്നിയതോടെ പ്രത്യേക ഉപകരണങ്ങൾ വഴി പരിശോധിച്ചപ്പോഴാണ് വയറ്റിനുള്ളിൽ ലഹരി വസ്തുക്കൾ പൊതിഞ്ഞ് ഒളിപ്പിച്ച നിലയിൽ കണ്ടെത്തിയത്. തുടർന്ന് പുറത്തെടുത്ത ലഹരി ഗുളികകളുടെ ചിത്രം കസ്റ്റംസ് വിഭാഗം ട്വിറ്ററിൽ പുറത്തുവിട്ടു.
