11 April, 2022 08:19:30 PM
ഷഹ്ബാസ് ഷരീഫ് പാക്കിസ്ഥാന്റെ പുതിയ പ്രധാനമന്ത്രി: സത്യപ്രതിജ്ഞ ഇന്ന്
ഇസ്ലാമാബാദ് : ഷഹ്ബാസ് ഷരീഫിനെ പാക്കിസ്ഥാൻ പ്രധാനമന്ത്രിയായി തെരഞ്ഞെടുത്തു. പാക്കിസ്ഥാനിൽ ഇമ്രാൻ സർക്കാരിന്‍റെ പതനത്തെത്തുടർന്നാണ് ഷഹ്ബാസ് അധികാരത്തിലേക്ക് എത്തുന്നത്. ഇന്ന് രാത്രി 8.30ന് ഷഹ്ബാസ് ഷരീഫ് സത്യപ്രതിജ്ഞ ചെയ്ത് അധികാരമേൽക്കും. മുൻ പ്രധാനമന്ത്രി നവാസ് ഷരീഫിന്‍റെ സഹോദരനാണ് ഷഹ്ബാസ്.
342 അംഗ ദേശീയ അസംബ്ലിയിൽ 174 പേർ ഷഹ്ബാസിന് വോട്ട് രേഖപ്പെടുത്തിയത്. അതേസമയം ഇമ്രാൻ അനുകൂലികൾ പാർലമെന്‍റിൽനിന്നും ഇറങ്ങിപ്പോയി. ഇന്നു പ്രത്യേക സഭാസമ്മേളനം ചേർന്നാണ് പ്രധാനമന്ത്രി തെരഞ്ഞെടുത്തത്. അടുത്ത ഓഗസ്റ്റ് വരെയാണു പാർലമെന്‍റിന്‍റെ കാലാവധി. ഞായറാഴ്ച പുലർച്ചെ നടന്ന അവിശ്വാസ വോട്ടെടുപ്പിലൂടെ ഇമ്രാൻ ഖാൻ സർക്കാർ പുറത്തായതിനു പിന്നാലെ ഷഹ്ബാസ് നാമനിർദേശപത്രിക സമർപ്പിച്ചത്.
