11 February, 2022 09:06:26 AM
കോട്ടയം സ്വദേശി യുവാവിനെ അമേരിക്കലേക്കുള്ള യാത്രയിൽ കപ്പലിൽ നിന്നും കാണാതായി
കോട്ടയം: യുവാവിനെ കപ്പലിൽനിന്നും കാണാതായതായി റിപ്പോർട്ട്. ചരക്ക് കപ്പലിലെ ജീവനക്കാരനായ കോട്ടയം കുറിച്ചി സ്വദേശി യുവാവിനെയാണ് കപ്പലിൽനിന്നും കാണാതായതായി ബന്ധുക്കൾക്ക് വിവരം ലഭിച്ചത്. കോട്ടയം കുറിച്ചി വലിയിടത്തറ ജസ്റ്റിൻ കുരുവിളയെ(28)യാണ് സൗത്ത് ആഫ്രിക്കയിൽനിന്നും അമേരിക്കയിലേക്കുള്ള യാത്രയ്ക്കിടെ കാണാതായതായി കപ്പൽ അധികൃതർ ബന്ധുക്കളെ അറിയിച്ചിരിക്കുന്നത്.
സ്ട്രീം അറ്റ്‌ലാൻഡിക് എന്ന കപ്പലിലെ അസിസ്റ്റന്‍റ് കുക്കായി ജോലി ചെയ്യുകയായിരുന്നു ജസ്റ്റിൻ. കഴിഞ്ഞ 31നാണ് കപ്പൽ ആഫ്രിക്കൻ തീരത്തുനിന്നും പുറപ്പെട്ടത്. ഈ മാസം 23ന് അമേരിക്കൻ തീരത്ത് എത്തേണ്ട കപ്പലിൽനിന്നും കഴിഞ്ഞ എട്ടിന് ജസ്റ്റിനെ കാണാതായതായി കപ്പൽ അധികൃതർ ബുധനാഴ്ച രാവിലെ ഏഴ് മണിയോടെ ബന്ധുക്കളെ അറിയിച്ചു. കപ്പലിൽ 25 ജീവനക്കാർ ആയിരുന്നു ഉണ്ടായിരുന്നത്. കൂടുതൽ വിവരങ്ങൾ ലഭ്യമായി വരുന്നതേയുള്ളു.
