07 February, 2022 08:42:49 AM
കോവിഡ് പ്രതിസന്ധി: കുവൈറ്റിൽ നിന്നും മടങ്ങിയത് ഒരു ലക്ഷത്തോളം ഇന്ത്യക്കാർ
കുവൈറ്റ് സിറ്റി: കോവിഡ് മഹാമാരിയുടെ പ്രതിസന്ധിക്കാലത്ത് ഒരു ലക്ഷത്തോളം ഇന്ത്യക്കാർ കുവൈറ്റിൽ നിന്നും മടങ്ങിയതായി റിപ്പോർട്ട്. 97,802 പ്രവാസി ഇന്ത്യക്കാർ കുവൈറ്റിൽ നിന്ന് നാട്ടിലേക്ക് മടങ്ങിപ്പോയതായാണ് റിപ്പോർട്ടുകൾ. കുവൈറ്റിലെ ഇന്ത്യൻ അംബാസഡർ സിബി ജോർജിനെ ഉദ്ധരിച്ചാണ് മാധ്യമങ്ങൾ ഇക്കാര്യം റിപ്പോർട്ട് ചെയ്തിരിക്കുന്നത്.
കുവൈറ്റിൽ നിന്ന് മടങ്ങിയ പ്രവാസികളില്‍ ഒരുവിഭാഗം പിന്നീട് ഇരുരാജ്യങ്ങള്‍ക്കുമിടയിലെ വിമാന യാത്രാ പ്രതിസന്ധി മാറിയതോടെ മടങ്ങിവരികയും ചെയ്‍തു. കോവിഡ് വ്യാപനത്തെ തുടർന്ന് ഗൾഫ് രാജ്യങ്ങളിൽ നിന്നായി ഏതാണ്ട് ഏഴ് ലക്ഷത്തോളം ഇന്ത്യക്കാർ നാട്ടിലേക്ക് മടങ്ങിയതായാണ് ഇന്ത്യൻ വിദേശകാര്യ മന്ത്രാലയത്തിന്‍റെ കണക്കുകൾ പറയുന്നത്.
