14 October, 2021 04:47:49 PM
അടിച്ചും ചവിട്ടിയും വിദ്യാർഥിയോട് അധ്യാപകന്‍റെ ക്രൂരത; ഞെട്ടിക്കുന്ന ദൃശ്യങ്ങൾ പുറത്ത്
ചെന്നൈ: വിദ്യാര്‍ഥിയെ അധ്യാപകന്‍ ക്രൂരമായി തല്ലി ചതയ്ക്കുന്നതിന്‍റെ ദൃശ്യങ്ങള്‍ പുറത്ത്. തമിഴ്‌നാട്ടിലെ ചിദംബരത്തെ സര്‍ക്കാര്‍ സ്‌കൂളിലാണ് സംഭവം. 12-ാം ക്ലാസ് വിദ്യാര്‍ഥിക്കാണ് മര്‍ദനമേറ്റത്. മുറിക്കുള്ളില്‍ മുട്ടില്‍ നിര്‍ത്തിയ വിദ്യാര്‍ഥിയെ അധ്യാപകന്‍ വടികൊണ്ട് അടിക്കുകയും കാലു കൊണ്ട് ചവിട്ടുന്നതുമാണ് ദൃശ്യങ്ങളില്‍.
ലഭിച്ചിരിക്കുന്ന സൂചനകള്‍ പ്രകാരം വിദ്യാര്‍ഥി ക്ലാസില്‍ വരാത്തതാണ് അധ്യാപകനെ പ്രകോപിപ്പിച്ചത്. ക്ലാസ് മുറിയിലുണ്ടായിരുന്ന ഒരു വിദ്യാര്‍ഥിയാണ് സംഭവത്തിന്‍റെ ദൃശ്യങ്ങള്‍ പകര്‍ത്തിയത്. ദൃശ്യങ്ങള്‍ പുറത്തായതിനെ തുടര്‍ന്ന് അധ്യാപകനെതിരെ ശക്തമായ നടപടി സ്വീകരിക്കണമെന്ന് ആവശ്യം ഉയരുകയാണ്.
