21 September, 2021 04:39:11 AM
വൻ മയക്കുമരുന്ന് വേട്ട; അഫ്ഗാനിൽ നിന്നുമെത്തിച്ച 19,000 കോടിയുടെ ഹെറോയിൻ പിടികൂടി
അഹമ്മദാബാദ്: അഫ്ഗാനിസ്ഥാനില്‍ നിന്നുമെത്തിച്ച 19,000 കോടിയിലധികം രൂപ വിലവരുന്ന മയക്കുമരുന്ന് പിടികൂടി. ഗുജറാത്തിലെ മുന്ദ്ര തുറമുഖത്തു നിന്നുമാണ് മൂന്ന് ടണ്‍ ഹെറോയിന്‍ കണ്ടെത്തിയത്. രണ്ട് കണ്ടെയ്‌നറുകളിലായാണ് മയക്കുമരുന്ന് കൊണ്ടുവന്നത്.
സംഭവവുമായി ബന്ധപ്പെട്ട് രണ്ടു പേരെ ഡയറക്ടറേറ്റ് ഓഫ് റവ്യന്യു ഇന്‍റലിജന്‍സ് ഉദ്യോഗസ്ഥര് പിടികൂടി. ഒരു കണ്ടെയ്‌നറില്‍ 2,000 കിലോയും അടുത്തതില്‍ 1,000 കിലോ ഹെറോയിനുമാണുണ്ടായിരുന്നത്. കേസുമായി ബന്ധപ്പെട്ട് അഹമ്മദാബാദ്, ഡല്‍ഹി, ചെന്നൈ, ഗാന്ധിധാം, മാണ്ഡവി എന്നിവിടങ്ങളില്‍ ഉദ്യോഗസ്ഥര് പരിശോധന നടത്തുന്നുണ്ട്.
