22 July, 2021 03:56:13 PM
എ.കെ. ശശീന്ദ്രന്‍റെ രാജി: തലസ്ഥാനത്ത് യുവമോർച്ച മാർച്ചിനിടെ സംഘർഷം
തിരുവനന്തപുരം: സ്ത്രീപീഡന പരാതി ഒത്തുതീർക്കാൻ ശ്രമിച്ചെന്ന ആരോപണത്തിൽ കുരുങ്ങിയ വനം മന്ത്രി എ.കെ. ശശീന്ദ്രന്‍റെ രാജി ആവശ്യപ്പെട്ട് സംസ്ഥാനത്ത് വിവധയിടങ്ങളില്‍ മാര്‍ച്ചും സംഘര്‍ഷവും. നിയമസഭയുടെ മുന്നിൽ യുവ, മഹിളാ മോർച്ചകളുടെ നേതൃത്വത്തിൽ പ്രതിഷേധം നടന്നു. യുവമോര്‍ച്ച നടത്തിയ മാര്‍ച്ചില്‍ വൻ സംഘര്‍ഷമുണ്ടായി. പ്രവർത്തകർക്ക് നേരെ പോലീസ് ജലപീരങ്കി പ്രയോഗിച്ചു. എന്നിട്ടും പിരിഞ്ഞു പോകാൻ പ്രവർത്തകർ തയാറാകാതെ ഇരുന്നതോടെ പോലീസ് ഗ്രനേഡ് പ്രയോഗിച്ചു.
