12 April, 2021 11:25:18 PM
പാലക്കാടും മലപ്പുറത്തും ഇടിമിന്നലേറ്റ് മുന്‍ പഞ്ചായത്ത് അംഗം ഉള്‍പ്പെടെ മൂന്ന് പേര്‍ മരിച്ചു
പാലക്കാട്: സംസ്ഥാനത്ത് ഇടിമിന്നലേറ്റ് മൂന്നു പേര്‍ മരിച്ചു. മലപ്പുറം, പാലക്കാട് ജില്ലകളിലാണ് മരണം സംഭവിച്ചത്. പാലക്കാട് പിച്ചളമുണ്ട് സ്വദേശി തച്ചമ്പാറ പഞ്ചായത്ത് മുന്‍ അംഗം ഗണേഷ് കുമാറാണ് മരിച്ചത്. കാഞ്ഞിരപ്പുഴ ഡാമില്‍ മീന്‍ പിടിക്കുന്നതിനിടെയാണ് മിന്നലേറ്റത്.
ഇടിമിന്നലേറ്റ് മലപ്പുറത്ത് രണ്ട് പേരാണ് മരിച്ചത്. മലപ്പുറം ചുങ്കത്തറ സ്വദേശി ദിവാകരനും, കൊങ്ങുംപാറ അബ്ദുല്‍ റസാഖിന്‍റെ മകന്‍ ഷമീമും ആണ് മരിച്ചത്. സംസ്ഥാനത്ത് ശക്തമായ മഴയും, കാറ്റും ഇടിമിന്നലും ഉണ്ടാകുമെന്ന് കാലാവസ്ഥ നിരീക്ഷ കേന്ദ്രം മുന്നറിയിപ്പ് നല്‍കിയിരുന്നു.
