28 January, 2021 08:11:44 AM
മൂന്ന് റഫാൽ യുദ്ധ വിമാനങ്ങൾ കൂടി ഇന്ത്യയിലെത്തി: ഇതുവരെ എത്തിയത് 11 വിമാനങ്ങൾ
ദില്ലി: ഇന്ത്യൻ വ്യോമസേനയ്ക്ക് കരുത്ത് പകർന്ന് റഫാൽ യുദ്ധ വിമാനങ്ങളുടെ മൂന്നാംബാച്ച് ഇന്ത്യയിലെത്തി. മൂന്ന് റഫാൽ വിമാനങ്ങളാണ് ഫ്രാൻസിൽനിന്ന് ഇന്ത്യയിലെത്തിയത്. യുഎഇയിൽ നിന്ന് ഇന്ധനം നിറച്ച ശേഷമാണ് വിമാനം ഇന്ത്യയിലേക്ക് പറന്നത്.
മൂന്ന് വിമാനങ്ങൾ കൂടി എത്തിയതോടെ റഫാൽ വിമാനങ്ങളുടെ എണ്ണം 11 ആയി. 36 റഫാൽ വിമാനങ്ങൾ വാങ്ങാനാണ് 2016ൽ ഇന്ത്യ ഫ്രാൻസുമായി കരാർ ഒപ്പിട്ടത്. ആദ്യ ബാച്ചിലെ അഞ്ച് വിമാനങ്ങൾ കഴിഞ്ഞ വർഷം ജൂലൈയിൽ എത്തിച്ചിരുന്നു. രണ്ടാംബാച്ചിലെ മൂന്ന് യുദ്ധ വിമാനങ്ങൾ കഴിഞ്ഞ നവംബറിലും എത്തി.
