17 January, 2021 03:30:56 PM
ഗൂഗിൾ മാപ്പ് ചതിച്ചു: ബസ് വൈദ്യുത കമ്പിയിൽ തട്ടി തീപിടിച്ച് ആറ് മരണം. 19 പേര്‍ക്ക് പരിക്ക്
ജയ്പുർ: രാജസ്ഥാനില്‍ ബസ് വൈദ്യുത കമ്പിയിൽ തട്ടി തീപിടിച്ചുണ്ടായ അപകടത്തില്‍ ആറ് മരണം. 19 പേര്‍ക്ക് പരിക്ക്. ജാലോറിലാണ് സംഭവം. ഇവരിൽ ആറു പേരുടെ ആരോഗ്യനില അതീവഗുരുതരാവസ്ഥയിലാണ്. ബാര്‍മിര്‍ ജൈനക്ഷേത്രം സന്ദര്‍ശിച്ച് മടങ്ങുകയായിരുന്ന അജ്മീര്‍ സ്വദേശികളാണ് ബസിലുണ്ടായിരുന്നത്.
ഗൂഗിൾ മാപ്പിന്‍റെ സഹായത്തോടെയാണ് ഡ്രൈവർ വാഹനമോടിച്ചത്. എന്നാൽ തെറ്റായ ദിശയിലേക്ക് തിരിഞ്ഞ ബസ് വൈദ്യുത കമ്പിയിലിടിച്ചാണ് അപകടമുണ്ടായത്. സംഭവത്തിൽ പ്രധാനമന്ത്രി നരേന്ദ്രമോദിയും രാജസ്ഥാൻ മുഖ്യമന്ത്രി അശോക് ഗെഹ്ലോട്ടും അനുശോചനം അ‍റിയിച്ചു.
