18 December, 2020 08:07:34 AM
കൊക്കക്കോള ജീവനക്കാരെ പിരിച്ചു വിടുന്നു; ജോലി നഷ്ടപെടുന്നത് ആയിരക്കണക്കിന് ആളുകൾക്ക്
ന്യൂയോർക്ക്: കോവിഡ് മഹാമാരി വിൽപ്പനയെ ബാധിച്ചതോടെ കൊക്കക്കോള കന്പനി ആയിരക്കണക്കിന് ആളുകളെ പിരിച്ചുവിടുന്നതായി റിപ്പോർട്ട്. 2,200 ജീവനക്കാരെ പിരിച്ചുവിടാനാണ് ശീതളപാനീയ വിപണിയിലെ ഭീമൻ കന്പനി തീരുമാനിച്ചത്.
അമേരിക്കയിൽ മാത്രം 1,200 പേർക്കാണ് ജോലി നഷ്ടമാകുമെന്നാണ് റിപ്പോർട്ട്. ഈ വർഷം ഏപ്രിൽ മുതൽ ജൂണ്‍ വരെയുള്ള സാന്പത്തിക പാദത്തിൽ കൊക്കക്കോള വിൽപ്പനയിൽ 28 ശതമാനം ഇടിവാണ് ഉണ്ടായത്. 7.2 ബില്യണ്‍ ഡോളറിന്റെ വിൽപ്പനയാണ് ഈ സമയത്ത് നടന്നത്.
