13 December, 2020 08:31:42 AM
രാജസ്ഥാനിൽ ജീപ്പും ട്രെയ്‌ലർ ട്രക്കും കൂട്ടിയിടിച്ച് ഏഴു പേർ മരിച്ചു
ജയ്പുർ: രാജസ്ഥാനിലെ ചിറ്റോർഗഡിൽ ജീപ്പും ട്രെയ്‌ലർ ട്രക്കും കൂട്ടിയിടിച്ച് ഏഴു പേർ മരിച്ചു. ഒൻപത് പേർക്ക് പരിക്കേൽക്കുകയും ചെയ്തു. ഇതിൽ രണ്ട് പേരുടെ നില ഗുരുതരമാണ്. ശനിയാഴ്ച ഉദയ്പൂർ-നിംബഹേര ദേശീയപാതയിലായിരുന്നു അപകടം. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചതായി ചിറ്റോർഗഡ് കളക്ടർ കിഷോർ കുമാർ ശർമ പറഞ്ഞു. നാല് പേർ സംഭവസ്ഥലത്ത് തന്നെ മരിച്ചു. മറ്റ് മൂന്ന് പേർ ആശുപത്രിയിൽ എത്തിച്ച ശേഷമാണ് മരിച്ചത്.
