17 November, 2020 11:22:43 AM
12-ാമത് ബ്രിക്സ് ഉച്ചകോടി ഇന്ന്; പ്രധാനമന്ത്രി നരേന്ദ്ര മോദി പങ്കെടുക്കും
മോസ്കോ: റഷ്യ ആതിഥേയത്വം വഹിക്കുന്ന 12-ാമത് ബ്രിക്സ് ഉച്ചകോടി ഇന്ന്. ഉച്ചകോടിയിൽ പ്രധാനമന്ത്രി നരേന്ദ്ര മോദി പങ്കെടുക്കും. മോദിക്കു പുറമേ റഷ്യൻ പ്രസിഡന്‍റ് വ്ളാദമിർ പുടിൻ, ചൈനീസ് പ്രസിഡന്‍റ് ഷിജിൻ പിംഗ്, ദക്ഷിണാഫ്രിക്കൻ പ്രസിഡന്‍റ് സിറിൽ റാമഫോസ, ബ്രസീൽ പ്രസിഡന്‍റ് ജൈർ ബൊൽസൊനാരോ എന്നിവർ പങ്കെടുക്കും.
ലഡാക്ക് അതിർത്തിയിലെ സംഘർഷങ്ങളുടെ പശ്ചാത്തലത്തിൽ രണ്ടാം തവണയാണ് മോദിയും ഷിജിൻ പിംഗും ഒരേ വേദി പങ്കിടുന്നത്. കഴിഞ്ഞ ആഴ്ച നടന്ന ഷാംഗ്ഹായി ഉച്ചകോടിയിലും ഇരു രാഷ്ട്ര തലവന്മാരും ഒന്നിച്ച് പങ്കെടുത്തിരുന്നു. ഷാംഗ്ഹായ് സഹകരണ സംഘടനയിലെ എല്ലാ അംഗരാജ്യങ്ങളും പരസ്പരം പരമാധികാരത്തെയും പ്രദേശിക സമഗ്രതയെയും ബഹുമാനിക്കണമെന്ന് മോദി പറഞ്ഞിരുന്നു.
