16 November, 2020 01:07:40 PM
വൈക്കത്ത്‌ പുഴയിലേക്ക് ചാടിയ പെൺകുട്ടികളുടെ മൃതദേഹങ്ങൾ പൂച്ചാക്കലിൽ കണ്ടെത്തി
വൈക്കം: മുറിഞ്ഞപുഴ പാലത്തിൽ നിന്നും പുഴയിലേക്ക് ചാടിയ പെൺകുട്ടികളുടെ മൃതദേഹങ്ങൾ കണ്ടെത്തി. കൊല്ലം ചടയമംഗലം സ്വദേശികളായ അമൃത(21), ആര്യ ജി. അശോക്(21) എന്നിവരുടെ മൃതദേഹങ്ങളാണ് കണ്ടെത്തിയത്.
തിങ്കളാഴ്ച രാവിലെ ആലപ്പുഴ പൂച്ചാക്കൽ ഓടുപുഴ ഭാഗത്തു നിന്നും പെരുമ്പളത്തു നിന്നുമാണ് മൃതദേഹങ്ങൾ കണ്ടെത്തിയത്. വെള്ളിയാഴ്ച രാവിലെ വീട്ടിൽ നിന്നുമിറങ്ങിയ ഇവർ ശനിയാഴ്ച രാത്രിയോടെയാണ് പാലത്തിൽ നിന്നും മൂവാറ്റുപുഴയാറിലേക്ക് ചാടിയത്.
