04 November, 2020 01:19:47 PM
'ഇന്ന് രാത്രി വലിയ പ്രഖ്യാപനം നടത്തും'; ശുഭ പ്രതീക്ഷയുമായി ട്രംപ്
വാഷിംഗ്ടൺ: അമേരിക്കന്‍ പ്രസിഡന്‍റ് ഫലം പുറത്തുവരുന്നതിനിടെ വിജയ പ്രതീക്ഷയുമായി റിപ്പബ്ലിക്കന്‍ സ്ഥാനാര്‍ഥി ഡോണള്‍ഡ് ട്രംപ്. ട്വിറ്ററിലൂടെയാണ് അദ്ദേഹം ശുഭ സൂചന പങ്കുവച്ചത്. ഇന്ന് രാത്രിയില്‍ ഞാനൊരു വലിയ പ്രഖ്യാപനം നടത്തും. ഒരു വലിയ വിജയത്തിന്‍റെ പ്രഖ്യാപനം. ട്രംപ് ട്വീറ്റ് ചെയ്തു.
അതേസമയം, ഫലം പുറത്ത് വന്ന ആദ്യ മണിക്കൂറുകളില്‍ ഡെമോക്രാറ്റിക് സ്ഥാനാര്‍ഥി ജോ ബൈഡന്‍ മുന്നില്‍ നില്‍ക്കുന്ന കാഴ്ചയായിരുന്നു കണ്ടത്. എന്നാല്‍ റിപ്പോര്‍ട്ടുകള്‍ എല്ലാം തള്ളിക്കൊണ്ട് ട്രംപ് മുന്‍പിലേക്കു കടന്നു വരികയാണ്. ഏറ്റവും അവസാനത്തെ റിപ്പോര്‍ട്ടുകള്‍ പ്രകാരം ട്രംപ് 213 ഉം ബൈഡന്‍ 220 വോട്ടുകളുമാണ് നേടിയിരിക്കുന്നത്.
