19 October, 2020 02:56:33 AM
അമേരിക്ക - കാനഡ അതിർത്തി തുറക്കണമെന്ന് ട്രംപ്; വേണ്ടെന്ന് ട്രുഡോ
വാഷിംഗ്ടണ്‍: അമേരിക്ക- കാനഡ അതിർത്തി തുറക്കുന്ന വിഷയത്തിൽ ഇരു രാജ്യങ്ങളുടെയും ഭരണത്തലവന്മാർക്ക് ഭിന്നാഭിപ്രായം. അതിർത്തി തുറക്കണമെന്നാണ് ആഗ്രഹമെന്നും അത് തന്നെയാണ് കനേഡിയൻ അഭിപ്രായമെന്നും പ്രസിഡന്‍റ് ഡോണൾഡ് ട്രംപ് വ്യക്തമാക്കിയിരുന്നു. എന്നാൽ, അതിർത്തി തുറക്കൽ ഇപ്പോൾ വേണ്ടെന്ന നിലപാടാണ് കനേഡിയൻ പ്രധാനമന്ത്രി ജസ്റ്റിൻ ട്രുഡോ പങ്കുവച്ചത്. മുൻനിശ്ചയിച്ചതനുസരിച്ചാണെങ്കിൽ ഈ മാസം 21ന് അതിർത്തി തുറക്കണം എന്നാണ്. അമേരിക്ക ദിനം പ്രതി കോവിഡ് കണക്കുകൾ വർധിക്കുന്ന സാഹചര്യത്തിൽ അതിർത്തി ഇപ്പോൾ തുറക്കാനാകില്ലെന്ന ട്രുഡോ വ്യക്തമാക്കി.
