12 October, 2020 10:40:46 AM
'നടി ഖുശ്ബു കോണ്‍ഗ്രസ് വിട്ട് ബിജെപിയിലേക്ക്': പാര്‍ട്ടിയില്‍ ചര്‍ച്ചയായി വാര്‍ത്തകള്‍
ചെന്നൈ: നടിയും കോണ്‍ഗ്രസ് ദേശീയ വക്താവുമായ ഖുശ്ബു കോണ്‍ഗ്രസ് വിട്ടേക്കുമെന്നും ബിജെപിയിൽ ചേരുമെന്നും അഭ്യൂഹം. നടി തിങ്കളാഴ്ച ബിജെപിയിൽ അംഗത്വമെടുക്കുമെന്ന്ചില തമിഴ് മാധ്യമങ്ങളാണ് റിപ്പോർട്ടു ചെയ്തത്. ദേശീയ വിദ്യാഭ്യാസ നയത്തെ പിന്തുണച്ചു ട്വീറ്റ് ചെയ്തതോടെ നടി കോണ്‍ഗ്രസ് വിടുമെന്ന അഭ്യൂഹം ശക്തമായിരുന്നു. അതേസമയം, ഇക്കാര്യത്തിൽ ഔദ്യോഗിക സ്ഥിരീകരണം ലഭ്യമായിട്ടില്ല. ഹത്രസ് യുവതിക്കു നീതി തേടി കോണ്‍ഗ്രസ് സംഘടിപ്പിച്ച പ്രതിഷേധത്തിൽ ഖുശ്ബു പങ്കെടുത്തിരുന്നു. കോണ്‍ഗ്രസ് വിടുമെന്ന കാര്യം നേരത്തെ ഖുശ്ബു നിഷേധിച്ചിരുന്നുവെങ്കിലും ഇപ്പോള്‍ വരുന്ന വാര്‍ത്തകള്‍ പാര്‍ട്ടി വൃത്തങ്ങളിലും ചര്‍ച്ചയായിട്ടുണ്ട്.
