12 September, 2020 09:11:38 AM
അമേരിക്കയിലെ കാട്ടുതീ: മരണം 15 ആയി; അഞ്ച് ലക്ഷത്തോളം പേരെ ഒഴിപ്പിച്ചു
വാഷിംഗ്ടണ്‍: അമേരിക്കയിൽ ഭീതിപരത്തി കാട്ടുതീ പടർന്നേറുന്നു. വെസ്റ്റ് കോസ്റ്റിൽ പടർന്ന കാട്ടുതീയിൽ ഇതുവരെ 15 പേരാണ് മരിച്ചത്. അഞ്ച് ലക്ഷത്തോളം ആളുകളെയാണ് വീടൊഴിപ്പിച്ച് സുരക്ഷിത കേന്ദ്രങ്ങളിലേക്ക് മാറ്റിയത്. വടക്കൻ കാലിഫോണിയയിൽ മാത്രം ഇതുവരെ 10 മരണമാണ് സ്ഥിരീകരിച്ചത്. ഇതിൽ ഏഴുപേരുടെ മൃതദേഹമാണ് കണ്ടെത്താനായത്.
ഒറിഗണ്‍, വാഷിങ്ടണ്‍ സംസ്ഥാനങ്ങളിലും അഞ്ചോളം മരണം റിപ്പോർട്ട് ചെയ്തിട്ടുണ്ട്. ഉയർന്ന താപനിലയും വീശിയടിക്കുന്ന കാറ്റും തീ കൂടുതൽ പടരാൻ കാരണമാകുന്നുണ്ട്. തീയണയ്ക്കാനും രക്ഷാപ്രവർത്തനത്തിനുള്ള ശ്രമങ്ങളെയും ഇത് ബാധിച്ചിട്ടുണ്ട്. 12 സംസ്ഥാനങ്ങളിലായി 43 ലക്ഷം ഏക്കർ ഭൂമി കത്തിനശിച്ചതായാണ് റിപ്പോർട്ടുകൾ.
