06 August, 2020 04:14:57 AM
ബെയ്റൂട്ടിൽ രണ്ടാഴ്ച അടിയന്തരാവസ്ഥ: നടന്നത് ആക്രമണമെന്ന് ട്രംപ്
ബെയ്റൂട്ട്: അത്യുഗ്ര സ്ഫോടനത്തിന്റെ പശ്ചാത്തലത്തിൽ ലെബനനിലെ ബെയ്റൂട്ടിൽ രണ്ടാഴ്ചത്തെ അടിയന്തരാവസ്ഥ പ്രഖ്യാപിച്ചു. സംഭവത്തിന്‍റെ വ്യാപ്തി കണക്കിലെടുത്താണ് നടപടിയെന്ന് ഭരണകൂടം വ്യക്തമാക്കി. ചൊവ്വാഴ്ചയുണ്ടായ സ്ഫോടനത്തിൽ 135 പേർ മരണപ്പെടുകയും 5,000ലേറെപ്പേർക്ക് പരിക്കേൽക്കുകയും ചെയ്തിട്ടുണ്ട്. മരിച്ചവരുടെയും പരിക്കേറ്റവരുടെയും എണ്ണം ഇനിയും വർധിച്ചേക്കുമെന്നാണ് റിപ്പോർട്ട്. നൂറുകണക്കിന് ചെറു കെട്ടിടങ്ങളും സ്ഫോടനത്തിൽ തകർന്നിട്ടുണ്ട്. അതേസമയം, ബെയിറൂട്ടിലേത് വെറും സ്ഫോടനമായി കരുതുന്നിലെന്നും നടന്നത് കരുതി കൂട്ടിയുള്ള ആക്രമണെമെന്ന് സംശയിക്കുന്നുവെന്നും അമേരിക്കൻ പ്രസിഡന്റ് ട്രംപ് പ്രതികരിച്ചു.
