06 July, 2020 09:21:53 AM
ബാഗ്ദാദിലെ അന്താരാഷ്ട്ര വിമാനത്താവളത്തിനു സമീപം റോക്കറ്റ് പതിച്ചു
ബാഗ്ദാദ്: ഇറാക്ക് തലസ്ഥാനമായ ബാഗ്ദാദിലെ അന്താരാഷ്ട്ര വിമാനത്താവളത്തിനു സമീപം റോക്കറ്റ് പതിച്ചു. തിങ്കളാഴ്ച പുലർച്ചെയാണ് സംഭവം. നേരത്തെ, ബാഗ്ദാദിലെ അമേരിക്കൻ എംബസിക്കു നേരെ റോക്കറ്റ് ആക്രമണമുണ്ടായിരുന്നു. ഇതിനു പിന്നാലെയാണ് ബാഗ്ദാദിലെ അന്താരാഷ്ട്ര വിമാനത്താവളത്തിനു സമീപം റോക്കറ്റ് പതിച്ചത്.
ഇറാക്കിലെ അൽസുമാരിയ ടിവിയാണ് ഇക്കാര്യം റിപ്പോർട്ട് ചെയ്തത്. എംബസിക്ക് നേരെ നടന്ന ആക്രമണത്തിൽ റോക്കറ്റ് ജനവാസ കേന്ദ്രത്തിലേക്ക് പതിച്ച് ഒരു കുട്ടിക്ക് പരിക്കേറ്റിരുന്നു. രണ്ടു സംഭവങ്ങളേക്കുറിച്ചും അന്വേഷണം നടക്കുന്നുണ്ടെന്ന് ഇറാക്ക് ഭരണകൂടം അറിയിച്ചു
