01 July, 2020 09:21:00 AM
ടെഹ്റാനിലെ ക്ലിനിക്കിൽ വാതകം ചോർന്ന് വൻ സ്ഫോടനം: 19 പേർ മരിച്ചു
ടെഹ്റാൻ: ഇറാന്‍റെ തലസ്ഥാനമായ ടെഹ്റാനിലെ ക്ലിനിക്കിൽ ഉണ്ടായ വൻ സ്ഫോടനത്തിൽ 19 പേർ മരിച്ചു. നിരവധി പേർക്ക് പരിക്കേറ്റു. വാതക ചോർച്ചയെ തുടർന്നാണ് സ്ഫോടനമുണ്ടായതെന്ന് മുതിർന്ന ഉദ്യോഗസ്ഥരെ ഉദ്ധരിച്ച് ഇറാൻ സ്റ്റേറ്റ് മീഡിയ റിപ്പോർട്ട് ചെയ്തു.
സീന അഥർ ക്ലിനിക്കിലാണ് ചൊവ്വാഴ്ച സ്ഫോടനമുണ്ടായത്. മണിക്കൂറുകൾക്ക് ശേഷം അഗ്നിശമന സേനാംഗങ്ങൾ തീ അണച്ചു. പരിക്കേറ്റവരെ പ്രാദേശിക ആശുപത്രികളിലേക്ക് മാറ്റി. മരണസംഖ്യ ഇനിയും ഉയരുമെന്ന് ആശങ്കയുണ്ട്.
സ്ഫോടനത്തിൽ മരിച്ചവരിൽ ഭൂരിഭാഗവും സ്ത്രീകളാണെന്ന് അധികൃതർ അറിയിച്ചു. രോഗികളോ അവരുടെ ഒപ്പമുണ്ടായിരുന്നവരോ ആണ് ഇവരെന്നും ടെഹ്റാൻ അഗ്നിശമന വകുപ്പ് വക്താവ് ജലാൽ മാലേക്കി പറഞ്ഞു.
