01 June, 2020 09:28:59 AM
ജനശതാബ്ദി എക്സ്പ്രസ് പുറപ്പെട്ടത് കോഴിക്കോട്ടുനിന്ന്; കണ്ണൂരിലെ യാത്രക്കാര്‍ കുടുങ്ങി
കണ്ണൂർ: തിങ്കളാഴ്ച പുലർച്ചെ 4.50ന് കണ്ണൂരിൽ നിന്ന് തിരുവനന്തപുരത്തേക്ക് പുറപ്പെടുമെന്ന് അറിയിച്ചിരുന്ന ജനശതാബ്ദി എക്സ്പ്രസ് യാത്ര ആരംഭിച്ചത് കോഴിക്കോട്ടു നിന്ന്. യാതൊരു മുന്നറിയിപ്പൊന്നും ഇല്ലാതെയാണ് ട്രെയിൻ കോഴിക്കോട്ട് നിന്നാക്കാൻ റെയിൽവേ തീരുമാനിച്ചത്.
കണ്ണൂരിൽ നിന്നുള്ള യാത്രക്കാർക്ക് റിസർവേഷൻ സ്വീകരിച്ചിരുന്നു. ട്രെയിൻ പുറപ്പെടുന്നതിന് ഒന്നര മണിക്കൂർ മുമ്പ് സ്റ്റേഷനിൽ എത്താനും റെയിൽവേ നിർദേശിച്ചിരുന്നു. എന്നാൽ ട്രെയിൻ പുറപ്പെടുന്നത് കോഴിക്കോട്ടു നിന്നാക്കിയതോടെ കണ്ണൂരിൽ നിന്നുള്ളവരുടെ യാത്ര മുടങ്ങി. യാത്ര മുടങ്ങിയവർക്ക് ടിക്കറ്റ് തുക മടക്കി നൽകുമെന്ന് റെയിൽവേ അറിയിച്ചു.
കോവിഡ് വ്യാപനം രൂക്ഷമായ കണ്ണൂരിൽ യാത്രക്കാർക്ക് രോഗബാധയില്ലെന്ന് ഉറപ്പാക്കാൻ പരിശോധന നടത്താൻ ആരോഗ്യവകുപ്പിന്‍റെ സഹകരണമില്ലാത്തതിനാലാണ് ട്രെയിൻ പുറപ്പെടുന്നത് കോഴിക്കോട്ടേക്ക് മാറ്റിയതെന്ന് റെയിൽവേ അധികൃതർ പറഞ്ഞു
