16 May, 2020 06:38:11 PM
320 പോലീസുകാര്‍ക്ക് കോവിഡ്: ഏറെ പേര്‍ ക്വാറന്‍റയിനില്‍; തമിഴ്നാട് ആശങ്കയില്‍
ചെന്നൈ: കോവിഡ് ആശങ്കാജനകമായി വ്യാപിക്കുന്ന തമിഴ്നാട്ടിൽ 320 പോലീസുകാർക്ക് രോഗം സ്ഥിരീകരിച്ചു. ചെന്നൈയിൽ മാത്രം 276 പോലീസുകാർക്കാണ് കോവിഡ് ബാധിച്ചത്. അഗ്നിശമന സേനയിലെ 22 ഉദ്യോഗസ്ഥർക്കും ആറ് ഹോം ഗാർഡുകൾക്കും കോവിഡ് സ്ഥിരീകരിച്ചിട്ടുണ്ട്.
കോവിഡ് പ്രതിരോധ പ്രവർത്തനങ്ങളുടെ ഭാഗമായി ജനങ്ങളുമായി നേരിട്ട് ഇടപഴകേണ്ടിവരുന്നതിനാലാണ് പോലീസുകാർക്ക് രോഗം പകരാൻ ഇടയാക്കുന്നതെന്ന് മുതിർന്ന പോലീസ് ഉദ്യോഗസ്ഥൻ പറഞ്ഞു. രോഗലക്ഷണങ്ങളുള്ള പോലീസ് ഉദ്യോഗസ്ഥരോട് അടുത്തുള്ള പരിശോധനാ കേന്ദ്രങ്ങളേയോ നഗര ആശുപത്രികളെയോ സമീപിക്കാൻ ആവശ്യപ്പെട്ടിട്ടുണ്ട്. ലക്ഷണങ്ങളുണ്ടെങ്കിലും പരിശോധനയിൽ നെഗറ്റീവ് ആയവരെ ഐഐടി മദ്രാസ് കാമ്പസിലെ പ്രത്യേക ക്വാറന്‍റൈൻ കേന്ദ്രത്തിൽ പാർപ്പിച്ചിരിക്കുകയാണ്
