13 May, 2020 08:51:07 AM
കോവിഡ് പകരുമെന്ന് ആശങ്ക: നഴ്സിന്‍റെ വീടിന് കല്ലെറിഞ്ഞ് പ്രദേശവാസികള്‍
ഔറംഗാബാദ്: കോവിഡ് പ്രതിരോധത്തിന്‍റെ ഭാഗമായ ആരോഗ്യപ്രവര്‍ത്തകയുടെ വീടിനു നേരെ ഒരുകൂട്ടമാളുകള്‍ കല്ലെറിഞ്ഞു. മഹാരാഷ്ട്രയിലെ ഔറംഗാബാദിലാണ് സംഭവം. ആശുപത്രിയില്‍ നഴ്‌സായ യുവതിയില്‍ നിന്നും മറ്റാളുകളിലേക്കു രോഗം പടരുമെന്ന് കരുതിയാണ് പ്രദേശവാസികളായ ഒരുകൂട്ടമാളുകള്‍ ഇവരുടെ വീടിനു നേര്‍ക്ക് കല്ലെറിഞ്ഞത്. ഇവിടെ നിന്നും പോകണമെന്ന് ആവശ്യപ്പെട്ട് യുവതിയുടെ ഭര്‍ത്താവിനെയും ഒരുകൂട്ടമാളുകള്‍ അപമാനിച്ചിരുന്നു.
ഔറംഗാബാദില്‍ കുറച്ചാളുകള്‍ക്ക് കോവിഡ് സ്ഥിരീകരിച്ചതിനെ തുടര്‍ന്നാണ് തനിക്കും കുടുംബത്തിനു കുടുംബത്തിനു നേര്‍ക്കും ആക്രമണമുണ്ടായതെന്ന് യുവതി വെളിപ്പെടുത്തി. യുവതി പരാതി നല്‍കിയതിനെ തുടര്‍ന്ന് പോലീസ് എത്തി ഇവരെ പോലീസ് സ്റ്റേഷനിലേക്കു മാറ്റി. സംഭവത്തില്‍ പ്രദേശവാസികളായ കുറച്ചുപേര്‍ക്കെതിരെ കേസ് രജിസ്റ്റര്‍ ചെയ്തു. പോലീസ് അന്വേഷണം ആരംഭിച്ചിട്ടുണ്ട്.
