12 December, 2019 08:35:50 AM
നൈജറിൽ സൈനിക ക്യാമ്പിനു നേരെ ഭീകരാക്രമണം: 60 പേർ കൊല്ലപ്പെട്ടു; പിന്നില്‍ ബോക്കോ ഹറാമെന്ന് സംശയം
നിയാമേ: ആഫ്രിക്കൻ രാജ്യമായ നൈജറിൽ സൈനിക ക്യാന്പിനു നേരെയുണ്ടായ ഭീകരാക്രമണത്തിൽ 60 പേർ കൊല്ലപ്പെട്ടു. ടില്ലബെരി പ്രവിശ്യയിലെ പട്ടണത്തിലാണ് സംഭവമുണ്ടായത്. ഷെല്ലുകളും മോർട്ടറുകളും ഉപയോഗിച്ച് ഭീകരർ ക്യാന്പിനു നേരെ ആക്രമണം നടത്തുകയായിരുന്നു.
ആക്രമണത്തിന്‍റെ ഉത്തരവാദിത്വം ആരും ഏറ്റെടുത്തിട്ടില്ല. ഐഎസ് ബന്ധമുള്ള ബോക്കോ ഹറാമാണ് പിന്നിലെന്ന് പോലീസ് സംശയിക്കുന്നു. അടിയന്തരാവസ്ഥ കാലാവധി മൂന്നു മാസത്തേക്കു കൂടി നീട്ടണമെന്ന് സർക്കാർ അഭ്യർഥിച്ചതിനു പിന്നാലെയാണ് ആക്രമണം ഉണ്ടായിരിക്കുന്നത്.
