02 September, 2019 11:48:40 AM
ആംബുലന്‍സില്‍ കടത്താന്‍ ശ്രമിച്ച 197 കിലോ കഞ്ചാവ് പിടികൂടി; ഡ്രൈവറും സഹായിയും ഓടി രക്ഷപെട്ടു
അഗര്‍ത്തല: രാജ്യത്ത് ലഹരി കടത്തുന്നതിന് അനുദിനം പുതുവഴികള്‍ കണ്ടെത്തുകയാണ് ലഹരി മാഫിയ. ത്രിപുരയില്‍ ആംബുലന്‍സില്‍ കടത്താന്‍ ശ്രമിച്ച 197 കിലോ കഞ്ചാവ് പിടികൂടി. ആസാമുമായി അതിര്‍ത്തി പങ്കിടുന്ന കഡമംതലയില്‍ നിന്നാണ് കഞ്ചാവ് പിടിച്ചത്. രഹസ്യവിവരത്തെ തുടര്‍ന്ന് പോലീസ് ആംബുലന്‍സ് തടഞ്ഞ് പരിശോധിക്കുകയായിരുന്നു.
വാഹനത്തിലെ രഹസ്യ അറകളിലാണ് കഞ്ചാവ് സൂക്ഷിച്ചിരുന്നത്. ഏതാനും ദിവസങ്ങളായി കഞ്ചാവ് കടത്താന്‍ പ്രതികള്‍ ആംബുലന്‍സ് ഉപയോഗിച്ചു വരികയായിരുന്നുവെന്ന് പോലീസ് പറഞ്ഞു. പോലീസ് വാഹനം തടഞ്ഞതോടെ ഡ്രൈവറും സഹായിയും ഓടി രക്ഷപെട്ടു. ഇവര്‍ക്കായി അന്വേഷണം പുരോഗമിക്കുകയാണ്.
