03 October, 2026 06:55:52 PM
ശ്രീറാം വെങ്കിട്ടരാമന് കാഷ്യൂ കോർപറേഷൻ എംഡിയായി നിയമനം
തിരുവനന്തപുരം: ശ്രീറാം വെങ്കിട്ടരാമന് പുതിയ ചുമതല. കാഷ്യു കോർപ്പറേഷൻ താൽക്കാലിക എംഡിയായാണ് ശ്രീറാം വെങ്കിട്ടരാമനെ നിയമിക്കുന്നതെന്ന് മന്ത്രി ഷിബു ബേബി ജോൺ പറഞ്ഞു. നിയമന ഉത്തരവ് ഇന്ന് തന്നെ പുറത്തിറങ്ങും. കശുവണ്ടി വ്യവസായത്തെ നിലനിർത്തുകയാണ് സർക്കാരിന്റെ ലക്ഷ്യമെന്ന് മന്ത്രി പറഞ്ഞു. കശുവണ്ടി മേഖല തഴച്ചുവളരുമെന്ന അഭിപ്രായം തനിക്കില്ലെന്നും ഇടനിലക്കാരുടെ ജീവിതത്തിൽ മുന്നേറ്റമുണ്ടാക്കുകയല്ല ലക്ഷ്യമെന്നും അദ്ദേഹം വ്യക്തമാക്കി. തൊഴിലാളികൾക്ക് ഗുണകരമാകുന്ന തരത്തിലുള്ള മാറ്റമാണ് ലക്ഷ്യമെന്നും മന്ത്രി പറഞ്ഞു. സെപ്റ്റംബറിൽ ഐഎഎസ് ഉദ്യോഗസ്ഥരുടെ സ്ഥലംമാറ്റത്തിന്റെ ഭാഗമായി ശ്രീറാം വെങ്കിട്ടരാമനെ കൃഷിവകുപ്പിൽ നിന്ന് വനംവകുപ്പ് ജോയിന്റ് സെക്രട്ടറിയായി നിയമിച്ചിരുന്നു. ഒരു മാസം പിന്നിടും മുൻപാണ് പുതിയ ചുമതല നൽകുന്നത്.
