13 August, 2025 10:20:50 AM
ചാന്നാനിക്കാട് സ്വകാര്യ ബസും ട്രാവലറും കൂട്ടിയിടിച്ച് അപകടം; ഒരാള്‍ക്ക് പരിക്ക്
ചിങ്ങവനം : ചാന്നാനിക്കാട് കണിയാംമലയിൽ വാഹനാപകടം. ഇന്നലെ വൈകിട്ട് തുരുത്തി പള്ളിക്ക് സമീപം സ്വകാര്യ ബസും ടെമ്പോ ട്രാവലർ വാനും കൂട്ടിയിടിച്ചാണ് അപകടം. അപകടത്തിൽ വാൻ ഡ്രൈവറുടെ കാലുകൾ വാഹനത്തിനുളളില്‍ കുടുങ്ങി ഇരിക്കുകയായിരുന്നു. സ്ഥലത്തെത്തിയ ഫയർഫോഴ്‌സ് ടീം ഗ്യാസ് കട്ടർ ഉപയോഗിച്ച് വാനിന്റെ ഭാഗങ്ങൾ നീക്കം ചെയ്താണ് ഡ്രൈവറെ പുറത്തെത്തിച്ചത്. ട്രാവലറിൽ ഡ്രൈവർ മാത്രം ഉണ്ടായിരുന്നതിനാൽ വൻ അപകടമാണ് ഒഴിവായത്.
