05 August, 2025 06:40:27 PM
പാലായിൽ കാറിടിച്ച് രണ്ടുപേര്‍ മരിച്ച സംഭവം; പ്രതിക്കെതിരെ മനപൂർവ്വമല്ലാത്ത നരഹത്യക്ക് കേസ്
പാലാ: പാലായിൽ അശ്രദ്ധമായി വാഹനം ഓടിച്ച് രണ്ടുപേരുടെ മരണത്തിനിടയാക്കിയ സംഭവത്തിൽ കാർ ഡ്രൈവർക്കെതിരെ മനപ്പൂർവമല്ലാത്ത നരഹത്യക്ക് കേസെടുത്ത് പാലാ പോലീസ്. മുണ്ടാങ്കൽ ഭാഗത്ത് വച്ച് ഇന്ന് രാവിലെ 09.00 മണിക്ക് ഉണ്ടായ വാഹന അപകടത്തിൽ രണ്ട് സ്ത്രീകളുടെ മരണത്തിനും, 11 വയസ്സുള്ള കുട്ടിക്ക് ഗുരുതരമായി പരിക്കേൽക്കുന്നതിനും ഇടയാക്കിയ വാഹനം ഓടിച്ച ഇടുക്കി സ്വദേശി ചന്ദൂസ് (24) എന്നയാളെ അറസ്റ്റ് ചെയ്യ്തു. ഇയാൾക്കെതിരെ മനപ്പൂർവ്വമല്ലാത്ത നരഹത്യക്ക് പാലാ പോലീസ് കേസെടുത്തു.
