01 August, 2026 09:25:21 AM
പൂഞ്ഞാറില് ഉരുൾപൊട്ടൽ; മകന്റെ മൃതദേഹം കണ്ടെത്തി; അമ്മയ്ക്കായി തിരച്ചിൽ
കോട്ടയം: പൂഞ്ഞാര് തെക്കേക്കര പയ്യാനിത്തോട്ടം ഭാഗത്തുണ്ടായ ഉരുള്പൊട്ടലില് ഒരു മരണം സ്ഥിരീകരിച്ചു. മണപ്പാട്ട് ജോണിയുടെ മകൻ ജോസഫിൻ ജോണി മണപ്പാട്ട് (24) ആണ് മരിച്ചത്. ജോണിയുടെ ഭാര്യയും മണ്ണിനടിയിൽ കുടുങ്ങിയിരുന്നു.ഇവര്ക്കായി സ്ഥലത്ത് തിരച്ചിൽ തുടരുകയാണ്. മലയില് നിന്ന് ഉരുള് പൊട്ടി വരികയായിരുന്നുവെന്ന് പ്രദേശവാസിയായ മനീഷ് പറഞ്ഞു. മുണ്ടക്കയം കോസ് വേ വെള്ളം കയറി മുങ്ങി. പലയിടത്തും വീടുകളില് വെള്ളം കയറി. ഈരാറ്റുപേട്ട-വാഗമണ് റോഡില് ഗതാഗത തടസമുണ്ടായി. ഇടുക്കി ഏലപ്പാറയിലും വീടുകളിൽ വെള്ളം കയറി. ആളുകളെ മാറ്റി പാർപ്പിക്കുകയാണ്.
