01 June, 2025 08:21:09 PM
സൗദി അറേബ്യയിൽ മലയാളി വെടിയേറ്റു മരിച്ചു
റിയാദ്: സൗദിയിൽ മലയാളി വെടിയേറ്റു മരിച്ചു. കാസർഗോഡ് എന്നിയാടി സ്വദേശി കുമ്പയാക്കോട് മുഹമ്മദ് ബഷീർ (42) ആണ് മരിച്ചത്. ഇന്ന് രാവിലെയാണ് വെടിയേറ്റത്. ആക്രമിച്ചത് ആര് എന്നതിൽ വ്യക്തമായിട്ടില്ല. ഈജിപ്ഷ്യൻ പൗരൻ ഇന്ന് രാവിലെ ഇദേഹത്തെ ആശുപത്രിയിലെത്തിക്കുകയായിരുന്നു. ആശുപത്രിയിലെത്തിക്കും മുൻപ് തന്നെ മരിച്ചിരുന്നു.
സൗദിയിലെ ബീഷക്ക് സമീപം നഗിയയിലാണ് സംഭവം. ബഷീറിന്റെ മുറിയുടെ സമീപത്ത് വെച്ചാണ് വെടിയേറ്റത്. ശബ്ദം കേട്ട് സമീപവാസികളെത്തിയപ്പോൾ ബഷീർ വെടിയേറ്റ് കിടക്കുന്നതാണ് കണ്ടത്. 13 വര്‍ഷമായി സൗദിയില്‍ ജോലി ചെയ്യുന്ന ബഷീര്‍ ഹൗസ് ഡ്രൈവര്‍ വിസയിലാണ്. വാഹനം കഴുകുന്നതിനിടെ വെടിയേറ്റെന്നാണ് വിവരം. മൃതദേഹം ബിഷയിലെ മലിക് അബ്ദുല്ല ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംഭവത്തിൽ അന്വേഷണം ആരംഭിച്ചു.
