02 May, 2025 09:56:43 PM
കിക്മ എം.ബി.എ അഭിമുഖം നാളെ
കോട്ടയം: കേരള സർക്കാറിനു കീഴിലുള്ള സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റിൽ (കിക്മ) എം.ബി.എ (ഫുൾടൈം) 2025-27 ബാച്ചിലേയ്ക്കുള്ള പ്രവേശനം മേയ് മൂന്നിന് (ശനിയാഴ്ച) രാവിലെ 10 മുതൽ ഉച്ചയ്ക്ക് ഒന്നുവരെ നാഗമ്പടത്തുള്ള കോ-ഓപ്പറേറ്റീവ് ട്രെയിനിംഗ് സെന്ററിൽ നടത്തും. കേരള സർവകലാശാലയുടെയും എ.ഐ.സി.റ്റി.യുടെയും അംഗീകാരത്തോടെ നടത്തുന്ന ദ്വിവത്സര കോഴ്സിൽ ഫിനാൻസ്, മാർക്കറ്റിംഗ്, ഹ്യൂമൻ റിസോഴ്സ്, ലോജിസ്റ്റിക്സ്, ബിസിനസ് അനലിറ്റിക്സ് എന്നിവയിൽ സ്പെഷ്യലെസേഷനും അവസരമുണ്ട്. സഹകരണ മേഖലയിൽ പ്രവർത്തിക്കുന്നവരുടെ ആശ്രിതർക്കും ഫിഷറീസ് സ്‌കോളർഷിപ്പിന് അർഹതയുള്ള വിദ്യാർഥികൾക്കും പ്രത്യേക സീറ്റ് സംവരണം ഉണ്ട്. കൂടാതെ, എസ്.സി./എസ്.റ്റി വിദ്യാർഥികൾക്ക്് സർക്കാർ യൂണിവേഴ്സിറ്റി നിബന്ധനകൾക്ക് വിധയേമായ ഫീസ് അനുകൂല്യം ലഭ്യമാണ്.
50 ശതമാനം മാർക്കിൽ കുറയാതെയുള്ള ബിരുദമാണ് അടിസ്ഥാനയോഗ്യത. സി-മാറ്റ്/ക്യാറ്റ് സ്‌കോർ കാർഡ് ഉള്ളവർക്കും 2025 മേയിൽ നടക്കുന്ന കെ-മാറ്റ് പരീക്ഷയക്ക്് തയാറെടുക്കുന്നവർക്കും സ്പോട് അഡ്മിഷനിൽ പങ്കെടുക്കാം. വിശദവിവരങ്ങൾക്ക് www.kicma.ac.in എന്ന വെബ്സൈറ്റും സന്ദർശിക്കാം.
ഫോൺ: 8891151718/ 8547618290.
