22 March, 2025 05:32:01 PM
ലോറിയിടിച്ച് വഴിയാത്രക്കാരൻ മരിച്ച സംഭവം: നിർത്താതെ പോയ ലോറി കണ്ടെത്തി പോലീസ്
അയർക്കുന്നം: ലോറിയിടിച്ച് അയർക്കുന്നത്ത് കാൽനടയാത്രക്കാരൻ മരിച്ചു. നിർത്താതെ പോയ ലോറി കണ്ടെത്തി അയർക്കുന്നം പോലീസ് പോലീസ്. മണ്ണനാൽതോട് എന്ന സ്ഥലത്ത് വച്ച് മാര്‍ച്ച് 7ന് രാത്രി മനോരഞ്ജൻ സർദാര്‍ എന്ന വെസ്റ്റ് ബംഗാൾ സ്വദേശിയായ തൊഴിലാളിയെ ഒരു വാഹനം ഇടിച്ചു വീഴ്ത്തിയ ശേഷം നിർത്താതെ പോയിരുന്നു. പരിക്കുപറ്റിയ മനോരഞ്ജൻ സർദാറിനെ ആശുപത്രിയിൽ എത്തിച്ചെങ്കിലും ചികിത്സക്കിടെ ഇയാൾ മരണപ്പെട്ടു. സംഭവത്തില്‍ അയർക്കുന്നം പോലീസ് കേസ് രജിസ്റ്റർ ചെയ്ത് അന്വേഷണം നടത്തിവരികയായിരുന്നു.
നിരവധി സി സി ടി വി ദൃശ്യങ്ങൾ പരുശോധിച്ചും വർക് ഷോപ്പുകൾ കേന്ദ്രീകരിച്ചും ദിവസങ്ങൾ നീണ്ട പ്രയത്നത്തിലൂടെ അപകടത്തിനിടയാക്കിയ KL-35-B-3816 ലോറി കണ്ടെത്തി. തുടർന്ന് സംഭവദിവസം വാഹനം ഓടിച്ച അയർക്കുന്നം പുന്നത്തുറ തോണിക്കുഴിയിൽ ജോമോനെ ഇന്ന് അറസ്റ്റു ചെയ്യുകയായിരുന്നു. അയർക്കുന്നം ഇൻസ്പക്ടർ എസ് എച്ച് ഒ അനൂപ് ജോസ്, എസ് ഐ സജു റ്റി ലൂക്കോസ്, എസ് സി പി ഒ മാരായ മധുകുമാർ, ജിജോ ജോൺ എന്നിവരുടെ നിരന്തരമായ പരിശ്രമത്തിന്‍റെ ഫലമായാണ് കുറ‍ഞ്ഞ സമയത്തിനുള്ളിൽ വാഹനവും ഡ്രൈവറെയും കണ്ടത്തുവാൻ സാധിച്ചത്.
