20 March, 2025 01:56:25 PM


കിടങ്ങൂർ ഗ്രാമ പഞ്ചായത്തിൽ അവിശ്വാസം പാസായി; ഭരണം പിടിച്ച് എൽഡിഎഫ്



പാലാ: കോട്ടയം ജില്ലയിലെ കിടങ്ങൂർ ഗ്രാമപഞ്ചായത്തിൽ എൽഡിഎഫ് കൊണ്ടുവന്ന അവിശ്വാസം പാസായി. ബിജെപി അംഗമായിരുന്ന ഒമ്പതാം വാര്‍ഡ് പ്രതിനിധി പി ജി വിജയന്‍ എൽ ഡി എഫിന് അനുകൂലമായി വോട്ട് ചെയ്തതോടെയാണ് അവിശ്വാസം പാസായത്. നേരത്തേ ബി ജെ പി പിന്തുണയിൽ -യു ഡി എഫ് കൂട്ടുകെട്ടിലുണ്ടായിരുന്ന ഭരണമാണ് അവിശ്വാസം പാസായതോടെ നഷ്ടപ്പെട്ടത്.


ഇതോടെ യു ഡി എഫ് അംഗം തോമസ് മാളിയേക്കലിന് പ്രസിഡന്‍റ് സ്ഥാനം നഷ്ടമായി. അവിശുദ്ധ കൂട്ടുകെട്ടിനെതിരെയുള്ള നീക്കമാണിതെന്ന് എൽഡ്എഫ് കൺവീനർ അശോക് കുമാർ പൂതമന അവിശ്വാസപ്രമേയ ചർച്ചയ്ക്ക് ശേഷം പ്രതികരിച്ചു.
സി പി ഐ എം-3,   കേരള കോണ്‍ഗ്രസ് (എം)- 4, കേരള കോണ്‍ഗ്രസ്-3, ബി ജെ പി-5 എന്നിങ്ങനെയായിരുന്നു കക്ഷിനില.


വൈസ് പ്രസിഡന്റിനെതിരായുള്ള അവിശ്വാസ നടപടികൾ ഉച്ച കഴിഞ്ഞു നടക്കും. ബിജെപി പിന്തുണയോടെ ജോസഫ് ഗ്രൂപ്പിലെ തോമസ് മാളിയേക്കൽ പ്രസിഡന്റായപ്പോൾ ബിജെപിയിലെ രശ്‌മി രാജേഷ് വൈസ് പ്രസിഡന്റായിരുന്നു.



Share this News Now:
  • Mail
  • Whatsapp whatsapp
Like(s): 3.7K