22 November, 2024 06:20:21 PM
അഡ്വ. ഷൈജു സി. ഫിലിപ്പ് അന്തരിച്ചു
കോട്ടയം: കോൺഗ്രസ് കോട്ടയം പുതുപ്പള്ളി ബ്ലോക്ക് സെക്രട്ടറി വെള്ളൂർ ചിരട്ടേപ്പറമ്പിൽ അഡ്വ. ഷൈജു സി ഫിലിപ്പ് അന്തരിച്ചു. ഹൃദയാഘാതത്തെ തുടർന്ന് ഇന്ന് രാവിലെയായിരുന്നു അന്ത്യം. 44 വയസായിരുന്നു. മൃതദേഹം ഇന്ന് വൈകിട്ട് വീട്ടിൽ കൊണ്ടുവരും. തുടർന്ന് സംസ്കാരം ശനിയാഴ്ച വൈകുന്നേരം 3 മണിക്ക് വീട്ടിലെ ശുശ്രൂഷകൾക്ക് ശേഷം വെള്ളൂർ സെന്റ് തോമസ് യാക്കോബായ സുറിയാനി പള്ളിയുടെ സെൻ്റ്.മേരീസ് ചാപ്പൽ സെമിത്തേരിയിൽ നടക്കും. ഭാര്യ: അസി.പ്രൊഫ. അഡ്വ. സിമി ജോണ്‍. (കുട്ടിക്കാനം മരിയൻ കോളേജ് അധ്യാപിക). ഏകമകന്‍: യുവാന്‍ ഷൈജു ഫിലിപ്പ് (5-ാം ക്ലാസ് വിദ്യാർത്ഥി, സെൻ്റ് ജൂഡ് ഗ്ലോബൽ സ്കൂൾ, മണർകാട്)
ഹൈക്കോടതി അഭിഭാഷകനാണ്. വെള്ളൂര്‍ സെന്റ് തോമസ് പള്ളി ട്രസ്റ്റിയായ ഷൈജു യാക്കോബായ സുറിയാനി സഭ മാനേജിംഗ് കമ്മിറ്റി അംഗം, യൂത്ത് അസോസിയേഷന്‍ കോട്ടയം ഭദ്രാസന സെക്രട്ടി, അഖില മലങ്കര വൈസ്പ്രസിഡന്റ്, ജോയിന്റ് സെക്രട്ടറി എന്നി നിലകളില്‍ പ്രവര്‍ത്തിച്ചിട്ടുണ്ട്. മണർകാട് സെൻ്റ്. മേരീസ് കോളേജ് കെ എസ് യു ചെയർമാൻ, ഡിഐസി വിദ്യാര്‍ഥി സംഘടന ജില്ലാ പ്രസിഡൻ്റ, യൂത്ത്ഫ്രണ്ട് ജേക്കബ് സംസ്ഥാനപ്രസിഡന്റ് എന്നി നിലകളിലും പ്രവര്‍ത്തിച്ചു.
