29 July, 2024 05:46:07 PM
കോട്ടയം ചുങ്കം പാലത്തിൽ നിന്നും ഒരാൾ ആറ്റിൽ ചാടി
കോട്ടയം: കോട്ടയം ചുങ്കം പാലത്തിൽ നിന്നും ഒരാൾ ആറ്റിൽ ചാടി. അഗ്നിരക്ഷാ സേനയുടെയും, പൊലീസിൻ്റെയും തിരച്ചിൽ തുടരുന്നു. ഇന്ന് ഉച്ചകഴിഞ്ഞ് 3 മണിയോടെയാണ് ചുങ്കം പാലത്തിൽ നിന്നും പുരുഷൻ ആറ്റിൽ ചാടിയത്. നാട്ടുകാർ നോക്കി നിൽക്കെയാണ് ഇയാൾ ആറ്റിലേയ്ക്ക് ചാടാൻ ശ്രമിക്കവേ സമീപത്തെ കടക്കാരും, യാത്രക്കാരും തടയാൻ ശ്രമിച്ചെങ്കിലും സാധിച്ചില്ല. തുടർന്ന്, നാട്ടുകാർ വിവരം അറിയിച്ചതോടെ കോട്ടയത്തു നിന്നുള്ള അഗ്നിരക്ഷാ സേനാ സംഘവും, കോട്ടയം വെസ്റ്റ് പൊലീസും സ്ഥലത്ത് എത്തിയിട്ടുണ്ട്. സ്കൂബാ സംഘവും എത്തി തിരച്ചിൽ ആരംഭിച്ചു.
