30 May, 2023 06:03:42 PM
കോട്ടയം തിരുനക്കര ക്ഷേത്രത്തിലെ കൂത്തമ്പലത്തിൽ തീപിടിത്തം; ആളപായമില്ല
കോട്ടയം: തിരുനക്കര ക്ഷേത്രത്തിലെ കൂത്തമ്പലത്തിൽ തീപിടിത്തം. കൂത്തമ്പലത്തിന്‍റെ വാതിലുകൾ കത്തിനശിച്ചു. ചൊവ്വാഴ്ച പുലർച്ചെ മൂന്നിനാണ് സംഭവം. കൂത്തമ്പലത്തിന്‍റെ വാതിലിൽ നിന്ന് പുക ഉയരുന്നത് ജീവനക്കാരാണ് ആദ്യം കണ്ടത്. വെള്ളം ഒഴിച്ച് കെടുത്തിയെങ്കിലും വീണ്ടും പുകഞ്ഞുകൊണ്ടിരുന്നു. ഇതോടെ അഗ്നിരക്ഷാസേനയെത്തിയാണ് തീ പൂർണമായി കെടുത്തിയത്. ഷോർട്ട് സർക്യൂട്ട് ആണ് കാരണമെന്നാണ് പ്രാഥമിക നിഗമനം.
