11 January, 2023 04:44:11 PM
വിദ്യാഭ്യാസ വകുപ്പില്‍ യു.പി സ്‌കൂള്‍ ടീച്ചര്‍: പി.എസ്.സി അഭിമുഖം 13, 19 തീയതികളില്‍
പാലക്കാട്: വിദ്യാഭ്യാസ വകുപ്പില്‍ മലയാളം മീഡിയം യു.പി സ്‌കൂള്‍ ടീച്ചര്‍ (പട്ടികവര്‍ഗത്തിന് മാത്രമായുള്ള പ്രത്യേക റിക്രൂട്ട്മെന്‍റ്-കാറ്റഗറി നമ്പര്‍: 304/2020) തസ്തികയിലേക്കുള്ള തെരഞ്ഞെടുപ്പിനായി 2022 ഓഗസ്റ്റ് 29 ന് പ്രസിദ്ധീകരിച്ച ചുരുക്കപ്പട്ടികയിലുള്‍പ്പെട്ട ഉദ്യോഗാര്‍ത്ഥികള്‍ക്കുള്ള അഭിമുഖം ജനുവരി 13, 19 തീയതികളില്‍ നടക്കും. ജനുവരി 13 ന് കോഴിക്കോട് ജില്ലാ പി.എസ്.സി ഓഫീസിലും 19 ന് എറണാകുളം ജില്ലാ പി.എസ്.സി ഓഫീസിലുമാണ് അഭിമുഖം. അര്‍ഹരായ എല്ലാ ഉദ്യോഗാര്‍ത്ഥികള്‍ക്കും എസ്.എം.എസ് പ്രൊഫൈല്‍ മെസേജ് വഴി അറിയിപ്പ് നല്‍കിയിട്ടുണ്ട്. ഉദ്യോഗാര്‍ത്ഥികള്‍ നിശ്ചിത ഓഫീസില്‍ നിശ്ചിത സമയത്ത് ആവശ്യമായ രേഖകളുമായി നേരിട്ടെത്തണമെന്ന് പാലക്കാട് ജില്ലാ പി.എസ്.സി ഓഫീസര്‍ അറിയിച്ചു. ഫോണ്‍: 0491 2505398.
