09 December, 2022 03:01:34 PM
'ഇവിടെ അപകടം പതിയിരിക്കുന്നു'; കാട് കയറി പേരൂരില്‍ ഒരു ട്രാന്‍സ്ഫോര്‍മര്‍
ഏറ്റുമാനൂര്‍: അപകടം പതിയിരിക്കുന്ന ട്രാന്‍സ്ഫോര്‍മര്‍ നാട്ടുകാര്‍ക്ക് ഭീഷണിയായി. പേരൂര്‍ പുളിമൂട് - പായിക്കാട് റോഡരികില്‍ ഇറിഗേഷന്‍ കനാലിനോട് ചേര്‍ന്നിരിക്കുന്ന ട്രാന്‍സ്ഫോര്‍മര്‍ കാട് കയറി കിടക്കുന്നതാണ് നാട്ടുകാരെയും പരിസരവാസികളെയും ഭീതിയിലാഴ്ത്തിയത്. മുഴുവന്‍ കാട് കയറിയ ട്രാന്‍സ്ഫോര്‍മറിന്‍റെ ഫീസുകള്‍ മാത്രം വെളിയില്‍ കാണാം. ഫീസ് അഴിക്കാനോ കുത്താനോ ചെല്ലണമെങ്കിലും കുറ്റികാടിനുള്ളിലൂടെ കയറണം.
ചില സമയങ്ങളില്‍ കനാല്‍ കരകവിഞ്ഞൊഴുകാറുണ്ട്. ഈ സമയം വെള്ളം ട്രാന്‍സ്ഫോര്‍മറിന്‍റെ ചുവട്ടിലേക്കും ഒഴുകാം. പുളിമൂട്ടിലും പൂവത്തുംമൂട്ടിലും ഉള്ള മൂന്ന് സ്കൂളുകളിലേക്കുള്‍പ്പെടെ ധാരാളം വിദ്യാര്‍ഥികല്‍ സഞ്ചരിക്കുന്ന വഴി കൂടിയാണിത്. അപകടത്തിന് സാധ്യത ഇല്ല എന്ന് കെെസ്ഈബി അധികൃതര്‍ പറയുന്നുണ്ടെങ്കിലും നാട്ടുകാരുടെ ഭീതിയൊഴിയുന്നില്ല. വള്ളിപ്പടര്‍പ്പുകളിലൂടെ വൈദ്യുതി പരിസരങ്ങളിലേക്ക് പ്രവഹിക്കുമെന്നാണ് പരിസരവാസികള്‍ പറയുന്നത്.
