02 July, 2022 05:17:07 PM
പിന്നെ നിങ്ങളുടെ പേര് പറയണോ; മാധ്യമപ്രവർത്തകയോട് മോശമായി സംസാരിച്ച് ജോർജ്
തിരുവനന്തപുരം: പോലീസ് അറസ്റ്റ് ചെയ്തതിന് പിന്നാലെ മാധ്യമപ്രവർത്തകയോട് പി.സി.ജോർജ് മോശമായി സംസാരിച്ചതും തർക്കങ്ങൾക്ക് കാരണമായി. തന്‍റെ ഭാഗം വിശദീകരിക്കുന്നതിനിടെ പരാതിക്കാരിയുടെ പേര് വെളിപ്പെടുത്തിയ ജോർജിനോട് ഇത് ശരിയാണോ എന്ന് മാധ്യമപ്രവർത്തക ചോദിച്ചു. പിന്നെ നിങ്ങളുടെ പേര് പറയണോ എന്ന് ജോർജ് മറുപടി നൽകിയതോടെ മാധ്യമപ്രവർത്തകർ പ്രതിഷേധിച്ചു. സ്ഥലത്ത് വലിയ തർക്കമുണ്ടായതിനാൽ പോലീസ് വളരെ പണിപ്പെട്ടാണ് ജോർജിനെ എആർ ക്യാമ്പിലേക്ക് മാറ്റിയത്.
