13 December, 2020 05:24:57 AM
ക്ഷേത്രദർശനത്തിന് എത്തിയ പത്തു വയസുകാരിയെ പീഡിപ്പിക്കാൻ ശ്രമിച്ച പൂജാരി പിടിയിൽ
മൂന്നാർ: ക്ഷേത്രത്തിൽ തൊഴാനെത്തിയ പത്തുവയസുകാരിയെ പീഡിപ്പിക്കാൻ ശ്രമിച്ച പൂജാരി അറസ്റ്റിൽ. തമിഴ്നാട് ഒട്ടംഛത്രം സ്വദേശിയും പഴയമൂന്നാറിലെ ക്ഷേത്രത്തിലെ പൂജാരിയുമായ ശിവൻ (35) ആണ് മൂന്നാർ പോലീസിന്റെ പിടിയിലായത്.
വെള്ളിയാഴ്ച വൈകുന്നേരം മാതാപിതാക്കൾക്കൊപ്പമാണ് കുട്ടി ക്ഷേത്രത്തിലെത്തിയത്. മാതാപിതാക്കൾ മാറിയ തക്കംനോക്കി ഇയാൾ കുട്ടിയെ കടന്നുപിടിക്കുകയായിരുന്നു. കുട്ടിയുടെ നിലവിളികേട്ട് ഓടിയെത്തിയ മാതാപിതാക്കൾ ശിവനെ പിടികൂടി പോലീസിന് കൈമാറുകയായിരുന്നു. കോവിഡ് പരിശോധനയ്ക്കുശേഷം ഇയാളെ കോടതിയിൽ ഹാജരാക്കി റിമാൻഡുചെയ്തു.
