20 September, 2020 01:08:42 AM
കനകമല ഐഎസ് റിക്രൂട്ട്മെന്‍റ് കേസിലെ പിടികിട്ടാപ്പുള്ളി അറസ്റ്റില്‍
കൊച്ചി: കനകമല ഐഎസ് റിക്രൂട്ട്മെന്‍റ് കേസിലെ പിടികിട്ടാപ്പുള്ളി അറസ്റ്റില്‍. കേസിലെ പ്രധാനപ്രതി മുഹമ്മദ് പോളക്കാനി ആണ് അറസ്റ്റിലായത്. ഇയാളെ ജോർ‌ജിയയിൽനിന്നും കൊച്ചിയിലെത്തിച്ചാണ് എൻ‌ഐഎ അറസ്റ്റ് ചെയ്തത്. കൊച്ചിയില്‍ പിടിയിലായ തീവ്രവാദികള്‍ക്കൊപ്പം ഇയാളെ മജിസ്ട്രേറ്റിനുമുന്നില്‍ ഹാജരാക്കി റിമാൻഡ് ചെയ്തു. ഡൽഹിയിൽ എത്തിച്ച് ചോദ്യം ചെയ്യും.
നിരോധിത സംഘടനയായ ഐഎസുമായി ബന്ധപ്പെട്ടു 2016 ഒക്ടോബറില്‍ കനകമലയില്‍ ക്യാന്പ് സംഘടിച്ചുവെന്നാണ് കേസ്. രാജ്യദ്രോഹക്കുറ്റം, ഗുഢാലോചന, യുഎപിഎയിലെ വിവിധ വകുപ്പുകള്‍ എന്നിവ പ്രകാരമാണ് പ്രതികള്‍ക്കെതിരേ കുറ്റം ചുമത്തിയിട്ടുള്ളത്. കേസില്‍ വിചാരണ നേരിട്ട ആറു പ്രതികളെ കൊച്ചിയിലെ എന്‍ഐഎ പ്രത്യേക കോടതി ശിക്ഷിച്ചിരുന്നു.
