22 October, 2019 07:12:09 PM
പത്തനംതിട്ട കവിയൂരിൽ വൃദ്ധദമ്പതികള്‍ മരിച്ച നിലയില്‍; മകനെ കസ്റ്റഡിയിലെടുത്തു
പത്തനംതിട്ട: കവിയൂരിൽ വൃദ്ധദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. കവിയൂർ തെക്കേതിൽ വാസു ആചാരി (72), ഭാര്യ രാജമ്മ (62) എന്നിവരെയാണ് മരിച്ച നിലയില്‍ കണ്ടെത്തിയത്. വാസു തൂങ്ങി മരിച്ച നിലയിലും രാജമ്മയെ വെട്ടേറ്റ് മരിച്ച നിലയിലുമാണ് കണ്ടെത്തിയത്. ചൊവ്വാഴ്ച ഉച്ചയോടെയാണ് വാസുവിനെയും രാജമ്മയെയും മരിച്ച നിലയിൽ കണ്ടെത്തിയത്. ഇവരുടെ മകൻ പ്രശാന്തിനെ പോലീസ് കസ്റ്റഡിയിൽ എടുത്തു. മാതാപിതാക്കളുമായി പ്രശാന്തിന് സ്വത്തുതര്‍ക്കം ഉണ്ടായിരുന്നെന്നാണ് തിരുവല്ല പോലീസിന്‍റെ കണ്ടെത്തൽ. എന്നാൽ, കൂടുതൽ അന്വേഷണത്തിനു ശേഷമേ മറ്റെന്തെങ്കിലും പറയാനാകൂ എന്ന് പോലീസ് അധികൃതർ അറിയിച്ചു.
