22 September, 2026 09:16:51 AM
കാഞ്ഞിരപ്പള്ളിയിൽ സമാന്തര ലോട്ടറി തട്ടിപ്പ് നടത്തിയ കേസിൽ സഹോദരൻമാർ അറസ്റ്റിൽ
കാഞ്ഞിരപ്പള്ളി: കാഞ്ഞിരപ്പള്ളിയിൽ സമാന്തര ലോട്ടറി തട്ടിപ്പ് നടത്തിയ കേസിൽ സഹോദരൻമാർ അറസ്റ്റിൽ. കാഞ്ഞിരപ്പള്ളി കറിപ്ലാവ് ഇരവിമംഗലം മാര്ട്ടിന് ബേബി (45), സഹോദരൻ ടോം ബേബി എന്നിവരാണ് റിമാന്റിലായത്. മൊബൈല് ഫോണിലൂടെ ലോട്ടറിയുടെ അവസാന നാല് നമ്പര് വാങ്ങിയാണ് ഇവര് സമാന്തര ലോട്ടറി തട്ടിപ്പ് നടത്തിയിരുന്നതെന്ന് പോലീസ് പറഞ്ഞു. വാട്സാപ്പിലൂടെയോ ഫോണ് സന്ദേശങ്ങളിലൂടെയാണ് നമ്പര് വാങ്ങിയിരുന്നത്. അതാത് ദിവസം പ്രഖ്യാപിക്കുന്ന സര്ക്കാര് ലോട്ടറി ഫലത്തില് നമ്പര് ഉള്പ്പെട്ടാല് നമ്പര് ബുക്ക് ചെയ്തവര്ക്ക് സമ്മാനം നല്കുന്നതായിരുന്നു രീതി. സംസ്ഥാന ലോട്ടറി നിരക്കിനെക്കാൾ തുക കുറച്ച് നമ്പർ ബുക്ക് ചെയ്യാന് കഴിയുമായിരുന്നതിനാൽ നിരവധി പേരാണ് ഇടപാടുകാരായി ഉണ്ടായിരുന്നത്. സമ്മാനതുകകള് ഗൂഗിള് പേ വഴിയോ നേരിട്ടോ ആണ് പ്രതികൾ കൈമാറി വന്നിരുന്നത്.
