15 November, 2024 07:23:54 PM
500ലധികം ഒഴിവുകള്‍; സൗജന്യ തൊഴില്‍ മേള 22ന്
കോട്ടയം എം.ജി. സര്‍വകലാശാലാ എംപ്ലോയ്മെന്‍റ് ഇന്‍ഫര്‍മേഷന്‍ ആന്‍റ് ഗൈഡന്‍സ് ബ്യൂറോയില്‍ പ്രവര്‍ത്തിക്കുന്ന മോഡല്‍ കരിയര്‍ സെന്‍ററിന്‍റെ ആഭിമുഖ്യത്തിലുള്ള തൊഴില്‍ മേള നവംബര്‍ 22ന് നടക്കും.
വിവിധ സ്വകാര്യ സ്ഥാപനങ്ങളിലെ 500 ഓളം ഒഴിവുകളില്‍ നിയമനം നടത്തുന്നതിനുള്ള തൊഴില്‍ മേളയില്‍ പ്ലസ് ടു, ഡിപ്ലോമ, ഡിഗ്രി എന്നിവയോ അധിക യോഗ്യതകളോ ഉള്ളവര്‍ക്ക് പങ്കെടുക്കാം.
നവംബര്‍ 21ന് ഉച്ചയ്ക്ക് ഒന്നിനു മുന്‍പ് t.ly/KOTTAYAM എന്ന ലിങ്ക് വഴി പേര് രജിസ്റ്റര്‍ ചെയ്യുന്നവര്‍ക്കാണ് അവസരം. ഒഴിവുകള്‍ സംബന്ധിച്ച വിശദവിവരങ്ങള്‍ മോഡല്‍ കരിയര്‍ സെന്‍ററിന്‍റെ ഫേസ്ബുക്ക് പേജില്‍(www.facebook.com/MCCKTM). ഫോണ്‍- 0481-2731025, 9495628626.
