22 August, 2022 06:50:47 PM
കടുത്തുരുത്തി മുട്ടുചിറയിൽ സ്വകാര്യ ബസുകൾ കൂട്ടിയിടിച്ച് 19 പേർക്ക് പരിക്കേറ്റു
കടുത്തുരുത്തി: മുട്ടുചിറയിൽ സ്വകാര്യ ബസുകൾ കൂട്ടിയിടിച്ച് 19 പേർക്ക് പരിക്കേറ്റു. കോട്ടയം - എറണാകുളം റോഡിൽ മുട്ടുചിറ പട്ടാളമുക്ക് വളവിൽ രണ്ടു ബസുകൾ തമ്മിൽ കൂട്ടിയിടിക്കുകയായിരുന്നു. കോട്ടയം - പിറവം റോഡിലോടുന്ന സ്വകാര്യ ബസിന് പിന്നിൽ കോട്ടയം- എറണാകുളം റൂട്ടിലോടുന്ന സ്വകാര്യ ബസ് ഇടിക്കുകയായിരുന്നു. ബസിൻ്റെ പിൻഭാഗം തകർന്നു. നിരവധി സീറ്റുകൾ അടക്കം ഇളകി തെറിച്ചു. രാവിലെ കടുത്തുരുത്തിയ്ക്ക് സമീപം പാലാകരയിൽ സ്കൂട്ടറും, ബുള്ളറ്റും തമ്മിൽ കൂട്ടിയിടിച്ച് രണ്ട് യുവാക്കൾ മരിച്ചതിന് പിന്നാലെയാണ് വീണ്ടും അപകടം ഉണ്ടായിരിക്കുന്നത്.
